Contact Us

Use the form on the right to contact us.

You can edit the text in this area, and change where the contact form on the right submits to, by entering edit mode using the modes on the bottom right. 


Reykjavík

Partus Press is an independent publisher based in Reykjavík, Iceland and Manchester, UK – we are committed to the discovery of contemporary Icelandic and international literature.

Brautigan mockup 2.jpg

Hefnd grasflatarinnar

smásagnasafn eftir Richard Brautigan í íslenskri þýðingu Þórðar Sævars Jónssonar

 
29.00
Quantity:
Setja í körfu
 
 

Um bókina


Hefnd grasflatarinnar
„Þessi bók átti sinn þátt í að breyta hugmyndum manna um hvað smásaga væri – eða gæti verið.“
— Gyrðir Elíasson

Hefnd grasflatarinnar er smásagnasafn eftir bandaríska höfundinn Richard Brautigan í íslenskri þýðingu Þórðar Sævars Jónssonar.

Í 62 örsögum bregður höfundur upp hverfulum svipmyndum af furðulegum raunveruleika. Textinn er í senn ljóðrænn, fjarstæðukenndur, frumlegur, harmrænn og ómótstæðilega fyndinn og óhætt er að segja að fá skáld standi Brautigan snúning hvað myndvísi og myndlíkingar varðar. Um er að ræða einstakt örsagnasafn – birt í íslenskri þýðingu í fyrsta sinn – sem kemur lesandanum stanslaust á óvart.

 
Svona gengur það fyrir sig: Það eru þrír á undan mér. Ég þarf að leysa út litla ávísun. Það tekur enga stund. Það er meira að segja búið að framselja hana. Ég held á ávísuninni og beini henni í átt að gjaldkeranum.

Nú er verið að afgreiða konu um fimmtugt. Þrátt fyrir að það sé heitt úti er hún í síðri svartri kápu. Henni virðist líða vel í kápunni og það leggur af henni undarlega lykt. Ég velti þessu fyrir mér í stutta stund og átta mig svo á að þetta eru fyrstu merkin um flókin bankavandamál.

Svo teygir hún sig í fellingu á kápunni og kippir út skugga af ísskáp sem er fullur af súrri mjólk og ársgömlum gulrótum. Hún vill leggja skuggann inn á sparnaðarreikninginn sinn.
 
 

Um höfundinn


Richard Brautigan

Richard Brautigan fæddist árið 1935 í Washington-fylki í Bandaríkjunum.

Hann gaf út sínar fyrstu ljóðabækur upp úr tvítugu og eftir hann liggja tíu skáldsögur, jafnmargar ljóðabækur og tvö smásagnasöfn. Segja má að Brautigan hafi skotist upp á stjörnuhimininn með skáldsögunni Silungsveiði í Ameríku sem kom út árið 1967, þegar blómabyltingin stóð sem hæst. Hefnd grasflatarinnar kom út stuttu síðar, árið 1971, og er talið eitt merkasta smásagnasafn sem komið hefur út á enskri tungu. Brautigan stytti sér aldur á heimili sínu í Kaliforníu haustið 1984, fjörtíu og níu ára að aldri.

 

Um þýðandann


 Mynd: © Partus / Gulli Már

Mynd: © Partus / Gulli Már

Þórður Sævar Jónsson fæddist árið 1989 á Akureyri.

Hann hefur birt ljóð í Stínu og Tímariti Máls og menningar og gaf út sína fyrstu ljóðabók, Blágil, í flokki Meðgönguljóða árið 2015. Þýðing hans úr grísku á bókinni Sönn saga – lygasaga eftir Lúkíanos frá Samósata kom út hjá Tunglinu árið 2016.

Þórður Sævar hefur verið einn af yfirritstjórum seríu Meðgönguljóða frá árinu 2016.