Contact Us

Use the form on the right to contact us.

You can edit the text in this area, and change where the contact form on the right submits to, by entering edit mode using the modes on the bottom right. 


Reykjavík

Partus Press is an independent publisher based in Reykjavík, Iceland and Manchester, UK – we are committed to the discovery of contemporary Icelandic and international literature.

Bækur

Millilending

STOREFRONT -  Millilending alt.jpg
STOREFRONT -  Millilending alt.jpg

Millilending

22.50
  • Höfundur: Jónas Reynir Gunnarsson
  • Form: Kilja
  • Síðufjöldi: 176
  • Kápuhönnun: Halli Civelek
  • Umbrot: Valgerður Þóroddsdóttir & Luke Allan
  • Útgáfudagur: 14. október 2017
  • ISBN: 978-9935-4851-9-9
Quantity:
Setja í körfu
 

UM BÓKINA


 

Fyndin en raunsönn skáldsaga Jónasar Reynis um unga stúlku í sólahringsstoppi í Reykjavík hefur hlotið verðskuldað lof og var meðal annars valin ein af bestu íslensku skáldverkum ársins 2017 að mati gagnrýnenda Kiljunnar og Víðsjár og tilnefnd til Menningarverðlauna DV.

Millilending er væntanleg í danskri þýðingu hjá Gyldendal í Danmörku og í enskri þýðingu hjá Partus Press í Bretlandi.

 

UMSAGNIR


Ég las þessa bók ekki – ég drakk hana í mig. Óþægilega sannfærandi portrett af Íslandi samtímans sem birtist okkur hér sem dimmt og grimmt þjóðfélag þar sem lítil hjörtu þurfa á stórum stígvélum að halda til að geta fótað sig.
— Hallgrímur Helgason
[É]g get vel séð að bók þessa unga manns gæti orðið ein af óvæntari sölubókum haustflóðsins. [...] Söguröddin er sannfærandi og framvindan er áhugaverð og spennandi. Ungi maðurinn, Jónas, þarf enga forgjöf á hinum íslenska bókamarkaði, hann stendur sjálfur, einn og óstuddur, fullkomlega undir öllu því lofi sem hann á eftir að uppskera fyrir bók sína.
— Snæ­björn Arn­gríms­son
Millilending er vel stíluð saga, fyndin og sár í senn, skemmtilega afslöppuð og leynir á sér. Hér er dreginn fram kimi sem er sjaldan á dagskrá, íslenskur djammveruleiki og samtími nýrrar kynslóðar. Myrkt og drungalegt vetrarumhverfið er leikmynd einmanakenndar og þrúgandi vanlíðunar þessa unga fólks sem leitar lífsfyllingar í hverfulum heimi og flýr á náðir vímu, hálfkærings og afstöðuleysis.
— Steinunn Inga Óttarsdóttir / Víðsjá
Gott að sjá mikið efni stíga fram á ritvöllinn. Millilending er þétt og vel skrifuð bók og mjög gott fyrsta prósaverk. Millilending er sneiðmynd, nánast sólarhringur í lífi 22 ára stelpu. Dálítið nöturlegur heimur sem birtist, köld borg, tilgangsleysi, tengslaleysi og tómhyggja en höfundur nær að halda flugi með stíl og húmor. Aðalpersónan minnti mig á persónu Catcher in the Rye, týnd, reikandi, nánast eins og hún væri sjálflaus.
— Andri Snær Magnason
Þessi bók er æði.
★★★★ 1/2
(Fjórar og hálfar stjörnur)
— Hildigunnur Þráinsdóttir / Morgunblaðið
Rosalega vel skrifað. Framvindan er góð og stílinn er líka einhvern veginn tær.
— Egill Helgason / Kiljan
Hann er mjög flinkur. Mér finnst svo flott hvernig hann lokar þessari bók. [...] Þetta er mjög vel gert hjá honum – mjög athyglisverð skáldsaga.
— Kolbrún Bergþórsdóttir / Kiljan
Millilending er afbragðsvel stíluð, næmni höfundar fyrir smáatriðum er unaðsleg og vandræðalegar uppákomur í sögunni fá lesendur til að hlæja upphátt mörgum sinnum. [...] Það er fengur að Jónasi Reyni í hóp íslenskra rithöfunda, ekki síst fyrir stílgáfu hans.
— Ágúst Borgþór Sverrisson / DV
Það eru engar ýkjur að segja Jónas Reyni Gunnarsson hafa stimplað sig inn með stæl í þessu flóði. Skáldsagan Millilending er verulega vel gerð, byggð og stíluð. Fyndin og nöturleg næturlífslýsing, næm og sannfærandi uppteikning á aðalpersónu með allt á leiðinni niður um sig.
— Þorgeir Tryggvason
Að nokkru leyti fjallar þetta verk um grynningar (innihaldsleysi) nútímalífsins, ekki síst eins og þær blasir við yngri kynslóðum (Hallgrímur Helgason fékkst við sama efni í Þetta er allt að koma) en með óvæntum og skemmtilegum hætti afhjúpar saga Jónasar Reynis að í raun þurfi söguhetjan að leggja heilmikið á sig (og færa umtalsverðar fórnir) til að svamla um á þessum grynningum. Hún er djúpsjávarfiskur.
— Jón Karl Helgason
 
 
 

UM HÖFUNDINN


 Mynd: Saga Sig

Mynd: Saga Sig

 

JÓNAS REYNIR GUNNARSSON

er fæddur 1987 í Fellabæ. Hann lauk stúdentsprófi frá Menntaskólanum á Egilsstöðum og grunn- og meistaranámi í ritlist frá Háskóla Íslands. Jónas hefur birt ljóð í Tímariti Máls og menningar og Stúdentablaðinu, þar sem hann hlaut fyrsta sæti í árlegri ljóðakeppni blaðsins 2014. Árið 2015 varð hann hlutskarpastur í leikritunarkeppni sviðslistadeildar Listaháskóla Íslands með verkinu Við deyjum á Mars. Smásagan Þau stara á mig kom út hjá Partusi sama ár.

Fyrsta ljóðabók Jónasar – Leiðarvísir um þorp – önnur ljóðabók hans – Stór olíuskip – og fyrsta skáldsaga hans – Millilending – komu út hjá Partusi árið 2017. Fyrir Stór olíuskip hlaut hann Bókmenntaverðlaun Tómasar Guðmundssonar.

 

Eftir sama höfund


 

TENGDAR FRÉTTIR