Contact Us

Use the form on the right to contact us.

You can edit the text in this area, and change where the contact form on the right submits to, by entering edit mode using the modes on the bottom right. 


Reykjavík

Partus Press is an independent publisher based in Reykjavík, Iceland and Manchester, UK – we are committed to the discovery of contemporary Icelandic and international literature.

Bækur

Stór olíuskip

STOREFRONT - Olíuskip.jpg
STOREFRONT - Olíuskip.jpg

Stór olíuskip

22.00
  • Höfundur: Jónas Reynir Gunnarsson
  • Form: Kilja
  • Síðufjöldi: 40
  • Bókarhönnun: Ragnar Helgi Ólafsson
  • Útgáfudagur: 11. október 2017
  • ISBN: 978-9935-4851-8-2
Quantity:
Setja í körfu
 

UM BÓKINA


Ljóðabókin Stór olíuskip eftir Jónas Reyni Gunnarsson hlaut Bókmenntaverðlaun Tómasar Guðmundssonar og var einnig tilnefnd til Maístjörnunnar árið 2017.

Stór olíuskip er sterkt og fallegt verk. Ljóðin eru stílhrein og myndmálið ferskt og grípandi. Heildarmyndin er fimlega smíðuð og kallar á endurlestur; stóru olíuskipin sigla inn og út um vitund lesandans og skilja eftir sig fínlegt kjölfar tilfinninga sem spanna allt frá depurð og eftirsjá til hógværs fagnaðar.
— úr umsögn dómnefndar við afhendingu Bókmenntaverðlauna Tómasar Guðmundssonar
 

UMSAGNIR


 
★★★★ 1/2
Það er augljóst að Jónas Reynir hefur óvenju sterk tök á ljóðmálinu af nýliða að vera. Það er agað og textinn vel slípaður, myndir skýrar og oft bæði óvæntar og frumlegar. [...] flakkað er um lendur undirvitundar, svefns og óræðra drauma, oft á súrrealískum slóðum og ljóðin byggð á flæði haganlega smíðaðra mynda. […] „Lífið hlýtur að vera hljóðfæri. / Allt hlýtur að vera tónlist.“ Segir í lokaljóðinu. Allt virðist líka mögulegt í þessum forvitnilega, vel mótaða og persónulega ljóðheimi skálds sem á svo sannarlega framtíðina fyrir sér.”
— Einar Falur Ingólfsson / Morgunblaðið
Í Leiðarvísi um þorp er strax komin rödd og persónulegur ljóðvinkill sem fangar athygli manns, en það er í Stórum olíuskipum sem allt springur út. Snjöll og heildstæð bók sem framkallar bros í heilaberki og ónáðar tilfinningastöðvarnar. Mér finnst Jónas svolítið hafa eignað sér orðið „kannski“ sem verkfæri í ljóðsmiðjunni. Svo eru svona myndir:
„Í íbúð manns liggja föt í hrúgum eins og
ættingjar hans hafi gufað upp.“
Yndisleg bók.
— Þorgeir Tryggvason
Myndmálið er lipurt og nýstárlegt, stíllinn fágaður og nafnlaus ljóðin mynda sannfærandi heild. Yrkisefnið er í senn algengt og einstakt, persónulegt og almennt og yfirbragðið eins og „ský sem ferðast bara að nóttu til“ og stóru olíuskipin undir þeim, „svo stór að þau virðast kyrr“ og mannlaus; ferðin og hreyfingin kann að fara framhjá okkur meðan á lestri stendur en þegar upp er staðið finnum við hvað skrefið var stórt, hve langt var farið og margt var sagt.
— úr umsögn dómnefndar við tilnefningu til Maístjörnunnar
 
 

UM HÖFUNDINN


 Mynd: Saga Sig

Mynd: Saga Sig

 

JÓNAS REYNIR GUNNARSSON

er fæddur 1987 í Fellabæ. Hann lauk stúdentsprófi frá Menntaskólanum á Egilsstöðum og grunn- og meistaranámi í ritlist frá Háskóla Íslands. Jónas hefur birt ljóð í Tímariti Máls og menningar og Stúdentablaðinu, þar sem hann hlaut fyrsta sæti í árlegri ljóðakeppni blaðsins 2014. Árið 2015 varð hann hlutskarpastur í leikritunarkeppni sviðslistadeildar Listaháskóla Íslands með verkinu Við deyjum á Mars. Smásagan Þau stara á mig kom út hjá Partusi sama ár.

Fyrsta ljóðabók Jónasar – Leiðarvísir um þorp – önnur ljóðabók hans – Stór olíuskip – og fyrsta skáldsaga hans – Millilending – komu út hjá Partusi árið 2017. Fyrir Stór olíuskip hlaut hann Bókmenntaverðlaun Tómasar Guðmundssonar.

 

Eftir sama höfund


 

TENGDAR FRÉTTIR